Varsoviae nata
per rete divulgata
ad omnia scitu digna spectans

Lunae die 18 mensis Februarii 2019
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII

LATITANS DEMUM COMPREHENSUS EST

Territor in Italiam transferetur

Battisti2.jpg"

Caesar Battisti Italus qui territor fuit exeunte octavo decennio prioris saeculi, in Bolivia Sancta Cruci Montium a custodibus publicae securitatis internationalis, inter quos etiam Italici, deprehensus est. Frosinone effugit anno MCMLXXXI, ubi poenas persolvebat cum particeps gregis “armatorum proletariorum pro communismo” damnatus esset duodecim custodiae annis. Deinde contumax in custodiam perpetuam datus est, cum duobus homicidiis interfuisset, duorumque ipse auctor. Ille tamen semper se insontem esse declaravit.

Confugit in Mexicum et in Francogalliam, ubi ducta uxore, duabus filiis auctus, paene acceptionem in civitatem habuit, sed postea revocatam. Inde in Brasiliam se contulit, ubi in vincula anno MMVII coniectus est mansitque per septennium , donec praeses Lula, recusata traditione in manum iudicum Italorum, ei asylum et domicilium stabile concessit. Interea tertius filius ei genitus est anno MMXIII et anno MMXV in matrimonium feminam Brasiliensem duxit, quae impedimento traditioni essent. Bis brevi tempore comprehensus, in Boliviam confugit.

Res mutata est postquam praeses Brasiliensis Michel Temer electus est et successor Jair Bolsonaro: domicilium perpetuum revocatum est et traditio concessa. Demum comprehensio effecta est proximaque translatio in Italiam reputatur. Clari exteri homines factionis sinistrae se contrarios traditioni pronuntiaverunt, partes autem Italicae omnes de re gaudent. “Parvum munus adventurum est”: hoc filius praesidis Bolsonaro Administro Italo Salvini praenuntiavit.


Scripsit Lydia Ariminensis - 13/01/2019 15h27



Catherine Gauchon
Artiste peintre



BREVES Moscuae pars aedificii Universitatis inquisitionis technologiae informaticae, machinalis et optices corruit: timetur ne viginti saltem sub reliquiis maneant. Ruina accidit dum opera restitutionis conficitur.
Ministra Primaria Britannica Theresa May plus temporis a Coetu legatorum petitura est ad experiendum num novum foedus ex Unione Europaea consequatur de Brexitu et commercio apud fines inter Hiberniam Meridionalem et Septentrionalem.
Arabia. Pontifex Maximus Franciscus ad ciuitatem Abu Dhabi hodie peruenit atque Paparum uniuersorum primus in Arabia profectus. Princeps Arabicus eum libenter accepit, ut missam postero die habeat coram C milibus hominum.
Multa milia Venetiolanorum in forum principale capitis Caracas convenerunt ut partes praesidis Guaiadò sustinerent et praesidi Maduro reclamarent.
Iulianus, parvulus Hispanus duorum annorum, qui in puteum concidit, post tredecim dies, mortuus repertus est. Frustra cuniculus parallelos magna difficultate propter saxa interiecta effossus erat.


INSOLITA
INSOLITA
IN ORBE
POLITICA
INSOLITA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: