Varsoviae nata
per rete divulgata
ad omnia scitu digna spectans

Lunae die 18 mensis Februarii 2019
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII

VALE, EUROPA

Magna perturbatio ob migrantes orta est

Europa2.jpg

Consilio Europaeo habito, magna discordia exorta est: in Germania ante quinque dies Horst Seehoefer Administer negotiis domesticis praepositus etiamque princeps factionis CSU, se munus deponere minatus est cum dissentiret de migrantium quaestione, quae abdicatio scilicet in discrimen foedus politicum gubernationis adduxisset. Cum diu ipse et Cancellaria Angela Merkel disputavissent, convenerunt ut apud finem Austriacum sedes transeuntium pararentur ubi celeriter asylum petentes censerentur et ii in priorem rem republicam, etiam invitam, a qua perfugium petitum esset, remitterentur. Hoc consilium iam anno MMXV captum erat, sed obstante factione socialista democratica reiectum, sed nunc impositum.

Quam ob rem sua vice Cancellarius Austriacus Sebastianus Kurz minatus est se finem meridionalem clausurum esse, sed hesterno die ipse et Administer Horst Seehoefer concordes decreverunt ut migrantes in Italia censi illuc remitterentur.

Tamen Minister Primarius Joseph Conte declaravit nullum receptum iri in Italiam qui hic census in Germaniam adiit. Nihil huius generis a se promissum neque de migrantibus secundariis foedus factum esse. Die XI mense Iulio Administer Italicus Matthaeus Salvini cum collega Germaniae Horst Seehoefer colloquia habiturus est.

Scripsit Lydia Ariminensis - 06/07/2018 22h44



Catherine Gauchon
Artiste peintre



BREVES Moscuae pars aedificii Universitatis inquisitionis technologiae informaticae, machinalis et optices corruit: timetur ne viginti saltem sub reliquiis maneant. Ruina accidit dum opera restitutionis conficitur.
Ministra Primaria Britannica Theresa May plus temporis a Coetu legatorum petitura est ad experiendum num novum foedus ex Unione Europaea consequatur de Brexitu et commercio apud fines inter Hiberniam Meridionalem et Septentrionalem.
Arabia. Pontifex Maximus Franciscus ad ciuitatem Abu Dhabi hodie peruenit atque Paparum uniuersorum primus in Arabia profectus. Princeps Arabicus eum libenter accepit, ut missam postero die habeat coram C milibus hominum.
Multa milia Venetiolanorum in forum principale capitis Caracas convenerunt ut partes praesidis Guaiaḍ sustinerent et praesidi Maduro reclamarent.
Iulianus, parvulus Hispanus duorum annorum, qui in puteum concidit, post tredecim dies, mortuus repertus est. Frustra cuniculus parallelos magna difficultate propter saxa interiecta effossus erat.


INSOLITA
INSOLITA
IN ORBE
POLITICA
INSOLITA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: