NUNTII

PRINCIPES SAUDITAE COMPREHENSI SUNT

Princeps heres regni efficit ut corruptionem reprimat

Heres regni Arabiae Sauditae, magis magisque potentior, Mohamed bin Salman, breviter nominatus Mbs, prompte oppressit eos contra legem agentes, nulla observantia in propinquos adhibita. Novum collegium cohibendae corruptioni ab illo institutum fecit ut XI principes amplissimae familiae regiae comprehenderentur, simulque IV administri ac plurimi inter eos a munere dimissos. Hunc nuntium dedit rete sociale Al Arabiya quod in pagina breviloquenti (Twitter) explicavit quattuor antea munere functos substitutos esse. Ex personis maximi momenti princeps miliardarius Alwaleed bin Talal ceteris praestat cuius imperium oeconomicum maximarum societatum communicationis socialis particeps est.

Maior pars eorum sub custodia detinetur in deversorio Ritz capitis Ryad, sed omnes aëroportus privatorum clausi sunt ut fuga aëronavibus celerrimis impediretur.

Princeps heres regni, triginta annos natus, de facto procurator regis existimatur, quia summa munera Defensionis et Oeconomiae explet consilio capto appellato “Vision 2030” quo petit ut spatia oeconomiae augeat , nunc praesertim in petroleo posita. Tamen adversari exteri ( Qatar) et intestini (societas Aramco, Sunnitae severiores) , non desunt.

Scripsit Lydia Ariminensis - 05/11/2017 23h58

Catherine Gauchon Artiste peintre

TEMPESTAS AMERICANA

FACINUS LUTETIENSE

FOEDUS EUROPAEUM

MISSILIA RUSSICA

DE RE AFRICA

DE RE QATARENSI

RERUM NOVARUM STUDIUM

NOVA UCRAINA

CAPTIVORUM COMMUTATIO

NOVA DE BELLO

DE PERSIA

DE VERBIS RUSSICIS

DE CIVITATE ISLAMICA

POTESTAS BOREOCOREANA

DIES FESTUS PRO FEMINIS HODIE CELEBRATUR

.

.

Subnotationes fient
ante finem Septembris.