|
|
INSOLITA
Caupo,
Caupo, ostreas et champagne
...
... mihi meaeque mulieri para, quaeso!
Necopinatum gaudium nuper duos amantes in
Campania cepit.
Vir quidam, Josephus nomine, dulcem
Franciscam in venustam et probatam cauponam secum duxit. Ad
cauponem conversus Caupo inquit ostreas et champagne
nobis para, quaeso!. Caupo, ostreae cum deficerent, forum
piscarium adiit et nonnullas ostreas (tres tantum in foro erant)
emit coquendas et duobus amantibus praebendas.
Ostreas coctas et in patina positas
praebuit; vir, laete cibum oculis capturus, dentibus mollem
fructum arripere conatus est sed
in aliquid durum et
rotundum, calculo simile, occurrit.Quid est? Paulo
post, admiratione affectus, Margarita est!. Una,
duae, (ut paucis dicam) quinque margaritae in tribus ostreis
inventae sunt. Ad felicem eventum celebrandum duo amantes champagne
laete et copiose in pocula infuderunt. Postero die Josephus ad
gemmarium quendam se contulit, a quo quaesivit quanti quinque
margaritae essent; gemmarius mea opinione inquit
duo milia euro stant.
Nonne Campania iure felix
appellata est?
Scripsit Domenicus Caveosanus - 13/09/2014 16h07
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|