|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
IN ORBE
Ecce "piscis medicalis", quem vivum comedere debent incolae regionis urbis Hyderabad. Hoc modo ibi medici asthmate laborantes medentur.
Umbellae versicolores alliciunt emptores in introitum hyperagorae Tokiensis. In Asia Orientali mox incipiet tempus hippalorum sive imbrium monsonicorum.
Tandem in Hanoi, urbe capitali Vietnamiae, lotophagi Homerici reperti sunt! Aut potius lotopotores. Hi enim foliis loti, id est plantae cui nomen Linneaenum nelumbo nymphaia, utuntur ad theam optimam faciendam.
Tantum relictum esse laophori post incursum rebellatorum motus islamici Taliban, qui adorti sunt vicum Landi Kotal in provinciis genticis occidentalis-et-septentrionalis Pachistaniae.
Scrutatores Brasiliani reppererunt partem caudae aeronavis Gallicae, quae navis ante duas septimanas in aquas Oceani Atlantici ignotam ob causam demersa erat. Hac calamitate 228 homines vitam amiserunt.
Indus quidam religiosissimus provinciae Assam in templo monstrat sui crinem longitudine 4,7 metrorum.
Scripsit ANL - 27/06/2009 11h31
. .
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
