|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
IN ORBE
Biocolytae Hungari arcere contantur nationalistas in viis Budapestinis flagitantes nova comitia ante tempus solitum haberi.
Babae! Sicut hirundines (aut fere), funibus affixi, "volant" inter caeliscalpia Pecchinensia purgatores fenestrarurm.
Helicopterum Russicum Mil Mi-26 transportat vetus aeroplanum epibaticum Tupolev Tu-134 in musaeo Petropolitano.
Capitibus rica obtectis exspectant mulieres Indicae civitatis Uttar Pradesh, donec liceat iis intrare aedes electorias urbis Varanasi, ut vota sua dent in comitiis parlamentariis, quae spatio quinque septimarum in India habentur. Uttar Pradesh erat una civitatum, ubi iam in prima phasi electionum suffragaretur.
Primum post memoriam gentium ludi Indicae Primae Ligationis (Indian Premier League) pilae criceticae, qui putantur esse in numero eventuum huic disciplinae maximi in mundo momenti, non in ipsa India, sed in Africa Meridionali habentur. Talia consilia capta sunt ob timorem tumultuum, qui sequi possint electiones parlamentarias in India. Ecce brabeuta Lalit Modi ictu monetae decernit, utrum lusoribus Chennai Super Kings an Mumbai Indians primis pilam tundere sit.
Desilvatio prosequitur in valle Ica montium Andium Peruviae. Incredibile: ante nonnulla decennia hi montes densissima silva fuerant comperti! Oecologi Peruviani tamen consilia habent hic denuo arbores plantare.
Societas National Trust putat 60% hortorum Angliae evanuisse ab annis quinquagenariis praeteriti saeculi (1950s). Qua re sine dubio minime gaudent apes Britannicae, quibus praebent horti optimum fontem erithaces nectarisque.
Scripsit ANL - 24/04/2009 13h40
. .
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
