|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
IN ORBE
ORBIS PICTUS sive eventus praeteriti diei imaginibus a variis agenturis diurnariis praebitis illustrati:
Aborigines Indicae civitatis Jharkand ritum sacrum agunt pro imbribus adveniendis orantes.
Agricolae Coreae Meridionalis flammis delent effigies vaccarum Americanarum, quia regimen Seuliae decrevit carnem bovinam ex USA denuo esse importandam, quaestionibus ad sanitatem spectantibus iam solutis.
Gigantea sculptura taeniolam cinematographicam monstrans oritur in arena Ripariae regionis Gallicae occasione festi cinematographici Cannesiani.
Mulier anula Sichuanensis, domo sui terrae motu deleta, dies noctesque agit in aula ergasterii urbis Mianyang, ubi multi homines tectu ob calamitatem carentes recipiuntur.
Circiter octoginta balaenae in arenosam oram Senegalensem erraverunt, reditum in mare nescientes. Haec a hominibus servata est, sed saltem viginti perierunt.
Tali modo proximo die Lunae appellet, secundum imaginem pictoris cuiusdam, ad planetam Martem percontatrum cosmicum Phoenix Administrationis US-Americanorum Aeronauticae et Spatialis (NASA). Scripsit ANL - 22/05/2008 15h25
. .
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
