|
|
|
IN ORBE
De Croatis ante Hagenses iudices
 De Croatis ante Hagenses iudices
Tres duces Croati ante iudices Hagae tribunalis mundani delati
sunt, quod Serbos qui Croatiam habitabant persecuti essent. Ante
Gotovina (cuius imago adponitur), Ivan Cermak et Mladen
Markac se scelerum reos esse negant. Quorum primus in insulis
Fortunatis magno cum Croatarum clamore anno bismillesimo quinto
captus est. Tribus viris illud imputatur ab accusatore Alan
Tieger, quod impetum trimestrem "Tempestatem" vocatum
anno MCMXCV regioni Krainae tulerint ut inde Serbos vi amoverent:
quod scelus "gentis purgatio" appellatum saepe
temporibus illis perpetratum est.
"Serborum fines - scripsit accusator - adeo vastati
sunt, ut tantum vicorum ruinae relictae sint. Quorum scelerum
viri isti participes fuerunt." Ante Gotovina ab ipso
accusatur, quod iusserit CC milia Serborum, plerumque aetate
provectos, vi expelli, CL necari.
Rete televisificum Croatiae iudicium per aethera diffundere
coepit, quod maximi momenti ab incolis censeatur. Centum et
triginta testes audientur.
Scripsit Herimannus Novocomensis - 12/03/2008 00h03
.
.
|
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34
Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
