|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
IN ORBE
d.09. m.Oct. a.2012, h.15:15 Thuringia Hominem ignotum sclopetare in discipulos Homo ignotus per fenestram apertam sclopetavit in discipulos cuiusdam scholae realis Thuringiensis. Quattuor parvuli sunt violati. Astynomia quaerit sclopetatorem – necnon locum, ex quo sclopetavit. Artern e vico prope Nordhausen sito – In Thuringiâ quattuor discipuli violati sunt ictibus e sclopeto pressionis aerii factis. Locutrix astynomiae Nordhusanae dixit tela illisa esse per fenestram apertam in duos oecos classiarios scholae realis Arternensis.Usque nunc cognitum est quattuor discipulos quintae et sextae classis ictos leviter violatos esse. Locutrix astynomica: "Imprimis" inquit "haematomata sunt, nulla vulnera aperta". Praeterea parvulos diaschisi affectos esse. Locutrix dixit ictûs sclopetarios editos esse brevi post meridiem. Magistram arcessivisse astyphylaces. Unde editi sint ictûs, adhuc ignotum est. Etiam sclopetatoris vestigium inventum est nullum. Astynomi in loco coeperunt investigare. Hanc relationem d.09.m.Oct., a.2012 in Germanico periodico interretiali, c.t. est „spiegel online" editam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/Titulus originalis est: "Thüringen – Unbekannter schießt auf Kinder in Schule".
Scripsit Nicolaus Gross - 20/10/2012 21h12 . . |
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||