|
|
|
HOMINES IN CONSPECTU
2la029
 Qua de causa Paulus Neruda
mortuus sit
Post XXXIX annos, res obscura de decessu
poetae Neftalí Reyes Basoalto, qui sibi elegit nomen
fictum Paulum Neruda, praemio Nobeliano exornati anno MCMLXXI,
non plane declarata esse videtur: ut nodus aenigmatis criminalis
solveretur, Tribunal Summum Chiliense documentum de poetae
aegritudine ab auctoritatibus Francogalliae ut transmitteretur
petiit iussu iudicis ad iterum investigandum.
Nam paulo post dexterae factionis
coniurationem qua Salvatoris Allende administratio subversa est,
poëta, antea missus Lutetiam ut legatus, Sancti Jacobi, in
urbe capite suae patriae, aegrotus carcinoma fertur perisse. Sed
eius ductor autoraedae et secretarius etiam dum affirmant eum a
dictaturae sicariis occisum esse. Ex accusationibus secretarii,
factio communistica Chiliensis, cuius Neruda particeps fuit, cum
petitor fuisset ut eligeretur legatus Praesidentis in comitiis
anni MCMLXX, mense Maio praeterito criminationem detulit ut
obitus causa sine dubio in iudicio decerneretur.
Scripsit Lydia Ariminensis - 08/07/2012 20h45
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|
