De controversiis in Wikipedia effectis

Indicem a quo res controversiosissimas in ordine indicari possunt ex Wikipedia invenerunt studiosi. Crebro controversiosum aliud post aliud multi diurnarii dicunt. Etenim controversiae oculos multorum attrahunt. Taha Yasseri autem in Universitate Oxoniensi una cum paucis sociis modum controversiae gradus inter res distinguentem ex Wikipedia novavit.

Recensionibus quae in Wikipedia praebentur studiosi utebantur, et praesertim reversionibus. Reversio est ubi alius alicuius recensiones omnino resolvit, et reversio mutua est ubi uterque alterius recensiones revertit. Ex reversionibus mutuis et recensentium numero controversiae modus compositus est.

Wikipediarum 10 propriis linguis scriptarum res controversiosiores investigabant studiosi. Inter linguas Anglica et Theodisca ac Francogallica et Hispanica erant, etiam Bohemica et Hungarica et Dacoromanica, etiam Arabica et Persica et Hebraica, triste autem ab eas Latina aberat. Controversiae gradus tetenderunt superiores in multis linguis esse maioribus religionibus et maioribus religionis personis et rebus ad antisemitismum aut Israel pertinentibus. Israel ipse et Adolphus Hitler et Holocaustus et Deus prolati sunt a Yasseri sociisque.

Res controversiosiores autem plerisque linguarum communes non multae erant. In Anglica controversiae gradus summus Georgio W. Bush erat, secundus anarchismo, tertius Mahometo, quartus indici eorum qui operam societatis World Wrestling Entertainment dabant, quintus calefactioni globali, sextus circumcisioni, septimus Civitatibus Unitis, octavus Jesu, nonus phylae intelligentiaeque, decimus Religioni Christianae.

Studiosorum caput in libro ad rationem ampli operis politam sufficiens anno 2014 edendum est. Ut memoraverunt rerum controversiae modi clare variabunt cum res ipsae
et in Wikipedia recensentes mutabuntur. Itaque Yasseri sociique se in tales variationes inquisituros esse sperant.

Scripsit Thomas Davis

ANTIQUI MORES (VIII)

ANTIQUI MORES (vi)

INVENTUM MIRISSIMUM IN TUSCIA

Mentula maxima in Hispania detexa est

ANTIQUI MORES (VII)

Subnotationes fient
ante finem Septembris.