CINEMATA
Vis gravitatis
 Vis gravitatis
(Gravity - USA UK 2013 )
Genus: tragicum, ad cosmicam fictamque
artem pertinens.
Dispositor scaenarum: Alphonsus
Cuaron.
Scriptor scaenarum: Alphonsus Cuaron.
Histriones qui agunt primas partes:
Alexandra Bullock, Georgius Clooney.
Nuper in cinematographeis opus filmicum
inscriptum “Vis gravitatis” (Gravity) praebitum
est narrans duorum nautarum sideralium eventus varios in
spatio vacuo circum terrarum orbem navigantium: qua in fabula
praeclari histriones Alexandra Bullock (Ryan Stone) et
Georgius Clooney (Matt Kowalsky) primas partes agunt.
Quid verisimile est in hac pellicula?
Personae operam dant nonnullis refectionibus apud stationem
sideralem inclusae in capsulas sacciperio propellenti (jet
pack) motas, cum subito magna fragmentorum copia cum navicula
cosmica concurrit. Nunc fabula finem haberet, a?ronavi siderali
deleta, nisi pactum narrativum adesset. Nam spectator se omni rei
credere secum simulat; ergo casus ac pericula non intermittuntur.
Uterque miser viator cosmicus impulsus ipsa capsula propellenti
in spatio vacuo movetur;  carente vi propulsoria sola
femina in stationem sideralem Sinensem magno detrimento affectam
rediit. Iam peritura est gasio noxio effuso cum somnians sibi
videtur conspicere ac audire collegam mortuum adhortantem ut
proficiscatur aptis praeceptis subiectis. Tandem navicula impulsa
fortunate ea ad terram rediit sed … in aquam concidit.
Mirae sunt impressiones initii ab instituto
aeronautico Americae ( NASA ) concessae de terra a vacuo
spatio inspecta ac praesertim de luce boreali, adhibitis
imaginibus tribus mensuris (3D) ac magna vi in agitatione
austronautarum effingenda: fragmenta autem cosmica praecipita
decidere in spectatores videntur…
Scripsit Lydia Ariminensis
|
