Annus
2 0 2 0


INDVSTRIAE CONSILIVM

Secessus consilium

lego.jpg

Laterum Danica industria "LEGO", quae ad aedificia multaque alia construenda per lusum pueros edocuit, consilium nouum mercatorium pronuntiauit: "Ergasterium nostrum ex nunc machinas armamentaue ad puerorum ludum tabernis minime praebebit, quorum usus uere in bellis adsuescatur". Magnum enim probrum in illam industriam exortum est, cum eius ueliuoli "V-22 Osprey" exemplar, quod reapse in bellis Americanis Iaponicisque, id est in Bactriano Iraqenoque, adhibitum est, ad totius orbis mercata prolatum esset; qua de causa exemplaria omnia e tabernis eliminata sunt, sicut machinae uniuersae bellicae. Cur demum ueliuolum illum tum ad mercata traditum cum prompte deletum sit uere ignotum est.

Scripsit Andreas Nouocomensis



Retro ad:

Novissima editio
Summum paginae