AVE, AMERICA

Praeses Obama ad finem muneris coram populo ultimam orationem habuit

Praeses Baracus Obama ante biduum ultimam orationem in urbe natali Chicago coram viginti milibus civium habuit, unde ad rem publicam accessit. Cursus honorum initium cepit anno MMVIII a sententiola “Ita est, nos possumus” ac finem habuit his verbis dictis: “Nos fecimus”.

“Se Americam meliorem octo annis reddidisse, veram commutationem rerum exstitisse”, vehementer declaravit. Si ante octo annos dixisset de rei oeconomicae regressu in contrarium converso, de industriae autocinetorum novo impulsu, de operis maxime auctis, de renovatis publicis necessitudinis rationibus cum re publica Cubana, de proposito nucleari Iraniano pacifice detento, de matrimoniis homosexualibus, de sanitate reformata, se ad altiora tendere eos censuros fuisse. Sed illa se fecisse, eos fecisse.

Haec prope dixit admodum commotus. Haec tamen, ait Obama, non sufficiunt : maxime interesse patrum conditorum praecepta, libertatem, aequabilitatem, democratiam observare, praesertim quod ob tromocratiam in discrimine essent. Maxime totiens ei plausum est ab iis qui fusis etiam lacrimis adfuerunt.

Scripsit Lydia Ariminensis