Suffragia ferunt cives Europae...

... Batavi et Britanni omnium primi.

Cives Britannici et Batavi primi scidulas comitiales in urnas inicere die Jovis coeperunt, ut Senatores Strateburgum mittendi deligantur; suffragia Europaea usque ad diem Solis ferentur, deinde diribitores operam dabunt, ut multa nocte exitus comitiorum patefiant. DCCLI sellae occupandae sunt ab electis ex XXVIII civitatibus, secundum uniuscuiusque populi frequentiam.

Senatui Europaeo maior potestas quam superioribus temporibus tribuitur, nam ad leges ferendas de plerisque rebus una cum ministris regiminis Europaei operam dabit.

Scripsit Herimannus Novocomensis