De ecclesia catholica Americana et abortu

In Universitate Georgiopolitana catholica de The Affordable Care Act feminisque doctura est Kellia Garcia jurisconsultus abortioni favens. Cuius discipuli praeterhac operam dabant Feminarum Legis Societati Nationali, Anglice National Women's Law Center seu NWLC appellatae, quae abortionis accessum praecipue promovet et eam inter jura principalia habet. The Affordable Care Act seu ACA est lex Civitatum Unitarum Americae intenta ne curae medicinae sumptus nimis oneret infirmos Americanos et familias eorum, quacumque fortuna eorum. Sumptus in abortionem impendendos de ACA discordia saepenumero consequebatur. Garcia ipsa procurat conatus NWLC contra terminos religiosos servitiorum ad gignendos pueros pertinentium.

Etiam Garcia mandatum HHS sic dictum coercendaque jura credentium sustinet, et NWLC societas similiter. Hoc mandatum Administer HHS seu Sanitatis et Servitiorum Humanorum, edixit ut fides cum de sumptu in medicinam impendendo interponitur tum de sumptu in anticonceptionem et sterilizationem et medicamenta abortiva impendendo interponenda sit. Nam potestas per ACA delegata erat HHS Administro, cuius muneri Katherina Sebelius catholica ex anno 2009 fungitur.

Ecclesia Catholica tenet abortionem directam anticonceptionemque sterilizationemque legi naturali et divinis praeceptis et veritati personae humanae graviter adversari. Quibus de rebus alii non Catholicorum aliqua ex parte Ecclesiae doctrinae consentiunt. Mandato HHS angustissime societates religiosae eximiuntur. Permulta instituta religiosa velut ea juvenes et miseros inservientia, mandato subicientur postquam in reliquum anni 2013 eo vacant. Itidem ordo religiosus qui operarios mercede retinuerit subicietur velut Sorores Pauperum Minores Francogallice Petites Soeurs des Pauvres nominatae. De mandato certant petitores amplius 60 causarum quarum aliquot singulis plurales petitores erant.

Scripsit Thomas Davis