Annus
2 0 1 2


Aung San Suu Kyi candidata ad sellam supremam occupandam

Aung San Suu Kyi candidata ad sellam senatoriam occupandam

Praeclara oppositrix regiminis Burmensis Aung San Suu Kyi, cui recenter libertas reddita est post diuturnam captivitatem, primum concurret ad sellam senatoriam occupandam in suffragiis Kalendis Aprilibus habendis. Quam factio ipsius Foedus nationale democraticum ut candidatam demonstrabit in insula Kawhmu, haud longe a Rangonia pristino Burmae capite. Femina se dixit minime pigere ad communem sellam senatoriam concurrere, non ad summam potestatem gerendam.

Nationes occidentales accurate perscrutabuntur, quam honeste suffragia habeantur: unde sciscitabunt utrum re vera res publica Burmensis ad democratiam restituendam appropinquetur an non.

Scripsit Herimannus Novocomensis



Retro ad:

Novissima editio
Summum paginae