Annus
2 0 1 1


Muliebre praemium Nobelianum

Muliebre praemium Nobelianum

Praemium pacis Nobelianum tribus animosis feminis a Consilio Norvego, cui officium hoc mandatur, tributum est. Ellen Johnson-Sirleaf praesidens Liberiae et Leymah Gbowee causidica illius concivis patriam suam restituere post diuturnum cruentissimium bellum civile conantes, praeclaro decore exornatae sunt; item Tawakkul Karman, diurnaria Iemenita, quae mulierum iura defendit contra rei publicae praesidentem Ali Abdallah Saleh, qui per XXXII annos imperavit - tam diu quam diu Tawakkul vixit.

Magno cum gaudio apud Africos et Arabas selectio salutatur, cuius causa Consilii sententia haec est, quod "nulla cum vi pro feminarum securitate et iure pugnaverint".

Scripsit Herimannus Novocomensis



Retro ad:

Novissima editio
Summum paginae