Annus
2 0 1 1


<h1>Escherichia coli Europaeos perterret</h1>

Escherichia coli Europaeos perterret

Cum numerus novorum affectorum desinet increscere, sollicitudo adhuc ignoti bacterii Europaeos perturbat. In Germania, unde affectio orta esse putatur, XIX interierunt, centena eodem morbo laborant; in plerisque tamen nationibus Europae occidentalis et septemtrionalis multi bacterio eodem aegrotantes comperti sunt. Quod renes et sanguinem adeo afficit, ut mortis periculum instet.

Ab initio divulgatus erat falsus nuntius, ex cucumeribus sativis in Hispania elatis novum genus Escherichiae coli in Germaniam advectum esse, quam ob rem olerum cultores Iberici ingentibus damnis reclamaverunt; colloquium telephonicum Angelae Merkel cum Josepho Zapatero asperitates inter duas nationes moderavit. Auctoritates Theodiscae civibus suadet, ne cucumeres, lycopersica et folia esculenta sunant. Iratus minister primarius Russorum Vladimirus Putin "concives suos propter Ordinem mundanum mercaturae (WTO) venenandos non esse".

Scripsit Herimannus Novocomensis



Retro ad:

Novissima editio
Summum paginae