Annus
2 0 1 1


Ivory Coast'

Litoris Eburnei praesidens magistratum init

Alassanes Ouattara, qui mense Novembri praeterito Litoris Eburnei praesidens creatus erat, magistratum summum iniit post diuturnum bellum civile inter fautores suos et pristini praesidentis Laurentii Gbagbo nunc captivi. Alassanes orationem auspicalem habuit, qua communitati mundanae gratias egit quae se iure electum continenter fulserit; dixit tempus hoc esse sollemne concivibus suis et cruenta graviaque facta post terga iam derelicta esse. "Ad hoc pervenimus - inquit - quia populi voluntas observata est".

Ritui interfuerunt ONUs secretarius Ban Ki Moon et praesidens Gallorum Nicolaus Sarkozy.

Scripsit Herimannus Novocomensis



Retro ad:

Novissima editio
Summum paginae