Ordo Nationum Unitarum de Libya agit

Secretarius generalis Ordinis nationum Unitarum Ban Ki-moon ex consilio securitatis petit ut firmiter in Mahometum Gaddafi Libyae praesidentem consulat, qui populi rebellionem vi reprimere conetur. Maximae civitates occidentales deliberationem proponunt, qua Libicis armorum venditio interdicatur, itinera prohibeantur, dictatoris facultates firmentur, ipse ante tribunal mundanum deferatur quod scelera contra humanitatem persequitur. Cum mille saltem homines interiisse decem ultimis diebus putentur et commeatus deficere coeperint, Libya orientalis et magnae urbes ut Tobruc et Hesperides (Benghazi) in potestate rebellium reductae sunt, Tripolim et Syrtes copiae regiminis adhuc occupant.

Praesidens Civitatum Americae Unitarum iam poenas in Libyam constituit, sedem legationis suae in Libya vacuefecit et Mahometi Gaddafi opes in argentariis Americanis servatas interclusit. Saif Gaddafi filius praesidentis, aliter ac pater, dixit omnibus Libicis paciscendum esse ut pax patriae restituatur.

Scripsit Herimannus Novocomensis