Adolphus Hitler vivit?

Adolphus Hitler vivit! - ita saltem docet toechocollema laudativum, quod modo positum est ad latus viae cineticae inter urbem capitalem Thaiorum Bangkok et praeclarum inter peregrinarores locum maritimum Pataia. Cui rei statim reclamitaverunt legati Israeliae et Germaniae.

Thai tamen nullo modo se reos criminis putant: hoc modo adhortari tantum voluerunt peregrinatores, ut mox aperiendum musaeum staruarum e cera factarum visitent. Ubi certe quoque dictator Tertii Imperii (Germanorum) locum suum habet.

"Neminem offendere voluimus" - explanat rector musaei, Somporn Naksuetrong. Rerum Asiae orientalis periti addunt personas Hitleri aliorumque virorum maximi momenti Tertii Imperii non tantopere horribiles aestimari in terris Asiaticis, ubi criminum alterius belli mundani imprimis Iapones accusantur.

Scripsit