Annus
2 0 0 9


INVENTAM ESSE MACHINAM AD CANES LAVANDOS

INVENTAM ESSE MACHINAM AD CANES LAVANDOS

Canibus mechanice lavari placere...

Francogallus quidam in Britannia vitam degens, 31 annorum Romain Jarry, invenisse nuntiatur machinam lavatoriam quae lavat... canes - docent acta diurna "Daily News". Balneatio canis duret dimidia parte horae, quo toto tempore quadrupes per fenestrulam vitream inspicere dominum aut dominam sui potest atque, quod fortasse maioris momenti, ab hoc (aut hac) inspici potest dum lavatur. Idea venit in mentem inventoris Galli, cum automobilia in "balneis cunicularibus" purgari conspiciebat, statimque cogitavit de cane loco autoraedae in cuniculum invehendo. Hac mente motus machinam ad canes lavandos, cui nomen Dog-O-Matic, mox struxit. Balneatio ipsa canis fiat tempore nonnullorum minutarum, cetero autem tempore animal siccescat. Jarry sperat proximo iam anno officia lavatoria possessoribus canum se oblaturum. Canibus - asseverat Gallus - lavatio in machina mea placet.

Iam constat pretium lavandi canis parvi erit circa 13 librarum, mediae starurae canem lavatum iri 22 libris, at magnas bestias 31 libris Britannicis.

Ut scripsit quisdam internautarum, machinam Jarrianam octavum fortasse miraculum mundi fore, praemio Nobeliano tamen donandus erit ille inventor, qui ad cattos lavandos machinam invenerit.

Scripsit



Retro ad:

Novissima editio
Summum paginae