SECRETUM CENTUM TREDECIM CHILIOGRAMMATUM

Arca ferrata centum annorum

Duo incolae urbis Tulsa US-civitatis Oklahoma invenerunt arcam ferratam vetustimam rubiginosamque, quae continere potest thesaurum verum. Difficultas tamen in eo est, quod iis nullo modo adhuc contigit hanc arcam aperire.

Secundum arcarum ferratarum peritos, tales ut modo reperta fabricabantur spatio temporis a 1856 usque 1907 annum, sine dubio ergo arcae esse plus centum annorum. Quia reperta est prope ferriviam, ambo repertores putant eam fuisse praedam latronum, qui saeculo undevicesimo (XIX) in Feris Occidentalibus equitantes tramina vi adoriri solebant. His verisimiliter quoque non contigit arcam aperire, ergo relinquere eam debuerunt prope ad locum rapinae. Pendit arca 1.800 chiliogrammata, quod esse circiter centum tredecim (113) chiliogrammis plus quam, secundum peritos, pendere debeat, si vacua esset. Duo Tulsani sperant ita se possidere 113 chiliogrammata auri aut fortasse nummorum aut veterum titulorum bursalium, quorum pretium hodie caelum astraque attingat.

Scripsit