Annus
2 0 0 9


QUINQUAGIES LEGEM VIOLAVIT IMPUNITUS

QUINQUAGIES LEGEM VIOLAVIT IMPUNE

Prawo Jazdy audacissimus!

Quinquagies regulas Hibernorum per vias publica automobilia gubernandi offendit nequam quisdam Polonus - admonuerunt computatra biocolytarum Irlandensium, ubi unaquaeque violatio legis inscribitur. Satis huius audaciae! - decreverunt astyphylaces, consilia capientes proximo casu, cum denuo regulas gubernandi violet atque a biocolytis in via reprehendatur, in carcerem hunc Polonum missum iri. Capere eum minime tamen contigit, nam proximo tali casu repertum esse violatorem re vera non exstare at nomen eius, ut quinquiagies a biocolytis in computatris esse inscriptum - scilicet Prawo Jazdy - Polonice 'licentiam gubernandi' significare. Quod nomen inscribitur chartulae gubernandi Polonicae in summa eius parte (supra Gallice idem scribitur: Permis de conduire). Nomen gentilicium possessoris, nomen eius Christianum aliaque data infra sequuntur. Ut photographema monstrat.

Scripsit



Retro ad:

Novissima editio
Summum paginae