Annus
2 0 0 9


French wine withers on the vine By Paul Henley BBC News

BRITANNI GUSTUM AD REGIONES AUSTRALES MOVENT

Vinis Gallicis nocet... vilis libra

"Certe non esxpecto regimen Britannicum de vinicultoribus Gallicis curas dare" - dicit radiophoniae publicae Britannicae BBC possessor vineti ad Montem Pessulanum (Montpelier) in Terra Linguae Huius (Languedoc), Jean-Marie Tremoulet (a laeva photographemate monstratus). "Velim tamen cives Britannos certiores fieri, de qua re hic agatur" - addit et statim explanat: "Vilem reddita libra Britannica necnon recessione oeconomica fit ut (...) Angli non plus possint cottidie sex libras expendere pro lagoena, quam emere solebant quattur libris paenultimo anno. Ego autem non possum iis vinum gratiis praebere". Quod significare potest et domino Tremoulet, cuius pater avusque vinicultores Languedocenses erant, et multis sui vicinis finem viniculutura vitam sustentandi, dimidia enim emptorum huius vini pars sunt cives Britanni. Quod nimirum videtur si meminimus Britanniam maximam in toto mundo terram-importatricem vini esse, maiorem etiam Civitatibus Unitis Americae (USA), quarum cives imprimis sua vina Californiana bibere solent.

Re tamen oeconomica peiori Angli Cymbri Scotique magis magisque animas gustusque vertant in vina, sint non tam optima, Africae Americaeve Australis; hae regiones enim venum praebent tres lagoenas pro decem libris stateris. At gustu Britannorum aliae terrae vina sibi invehentes duci videntur - timet domina Florence Barthes, quae regit associationem exportatorum Languedociensium (Syndicat des Vins de Pays D'Oc). Quoque, aliae terrae sociae Unionis Europaeae periculo viniculturae Gallicae sint, ut exempli gratia Hispania, ubi expensa productionis (quae sint imprimis salaria vindemiatorum) triginta centesimis (30%) minora sunt Francogallicis. Admittit tamen domina Barthes maximum adiuvamen vino Pessulano fore, si Britanni euronem nummum suum officialem pro libra mutarent.

Dominus Tremoulet monet sine vinicultura Terra Linguae Huius amittet "vigorem ingeniumque suum, quibus florebat per saecula", ut explanat monstrans ordines vitis, arbores cupressi atque aedes vinicultorum. "Sine vineis hae colles mutabuntur in loca deserta, nobis deest enim a dis grata licentia aliquid aliud hic colere".

Scripsit ANL



Retro ad:

Novissima editio
Summum paginae