ROMAE NONIS DEC.
ROMAE NONIS DEC. NO B DIES (ADVERSUS
BERLUSCONI DIES)
Multa milia variae aetatis civium, iuvenum
praecipue, Romam convenerunt a Berlusconi petitum ut magistratum
abdicaretur atque in ius adiret, sicuti homo quivis legis
observans. Haec conventio a nulla rei publicae factione convocata
est; plurimi iuvenes contra, retibus usi, sponte alii alios
adloquentes statuerunt conventum parare.
Romam convenerunt, ut supra diximus, multa
milia civium ex omnibus Italiae regionibus. Eiusmodi
conventiones, iisdem causis, in multis orbis terrarum nationibus
factae sunt. Fuerunt qui per factiones, qui singillatim, Romam
convenerunt.
Insignis visa est conventio imaginibus
verbisque facetis, quorum quaedam ad hoc scriptum adduntur in
sermonem latinum conversa.
Itali avidi, nostrarum rerum tantum studiosi. Berlusconi est
quod maeremus.
Italiae cives, televisionem exstinguite, cerebrum
accendite contra!
Scripsit Dominicus Gallipoli
|
