Annus
2 0 0 9


Obama,

USAm et Sinas ad colloquendum convenisse

"Coniunctim et concorditer agamus, ut coeli commutationes desinant, ut arma nuclearia non amplius orbi toti minitentur, ut res oeconomicae in melius volvantur!" Haec dixit Baracus Obama collegae Sinensi Hu Jin Tao, cum ipso Washingtoniae mense Julio vergente conveniens. Censet praesidens Civitatum Americae Unitarum ambas nationes, quarum omnium maxima energiae consumptio, magnopere haec iuvare, tum energiam secure et munde efferri ne opum abundantia cum a๋ris salubritate repugnet cum aequam et temperatam auctionem oeconomicam fore ut pauperum numerus minuatur. "Non solum Novi Eboraci - ait Baracus - sed etiam Sangaiae omnes delectus re rebus oeconomicis in totius orbis statum resiliunt." Praeterea convenerunt ambo praesidentes minas nucleares tam Austrocoreanorum quam Persarum repugnandas esse. Demum de plerisque rebus conventum est, sed de increscenti Americanorum aere alieno solliciti sunt Sinenses.

Scripsit Herimannus Novocomensis



Retro ad:

Novissima editio
Summum paginae