Hoc modo grex puerorum Cabulensium domum portant saccos tritici plenos, quos donavit civibus Afghanistaniae Ordo Annonae Mundi (World Food Programme) Nationum Unitarum.

At tali modo, usu camelorum, portant domum aquam mulieres Keniae septentrionalis.

In bacillum limitaneum illisit nartatrix US-Americana Lindsey Vonn tempore agonis in Valle Iserae Gallorum habiti.

Hic heroes puerorum puellarumque praebentur in nundinis librorum nubeculatorum urbis Neoeboraci (New York).

Pelles ad solem siccantur postquam lautae sunt in ripa amnis ad urbem capitalem Bangladesae, Dhaka.

Nives maximae praeteritorum 18 annorum adortae sunt Angliam. Qua re commeatus publicus etiam aliquantum laborat. - Solebuntne Angli denuo equitare? - cogitat fortasse equulus, cui nix nocere minime videtur

Tali modo, sub braccis, in Australiam subducuntur vivae columbae, nam lege vetitur in hand terram ulla animalia importare.

Milites regiminis insulae Taprobane (Sri Lanka) expugnant principalem basin maritimam rebellatorum motus Tigridum Tamilensium.

Scripsit ANL