Pitta contra armatos pugnavit

Eric Lopez Devictoria, vir quadraginta annos natus, qui in urbe Miramar US-civitatis Floridianae apud pittariam quandam munere fungitur portatoris pittae sive placentae Neapolitanae, cibo hoc ut armis usus est a sceleribus armatis vespertino tempore incursus. Proiecit scilicet placentam in faciem proximi aggressoris statimque quam citissime fuga erupit. Aggressor licet semel in Ericum sclopetaverit, calidissima placenta obcaecatus ferire portatorem minime valuit. Cui in tutum aufugere contigit, unde biocolytas magna voce clamans arcessivit. Hi advenientes tres adulescentes sceleratores apprehenderunt - nuntiant acta diurna "Florida Sun-Sentinel".

Inter Latinistas tamen adhuc durat pugna de optimo verbo, quo Italica 'pizza' reddatur. Sunt etiam qui ad etymologiam verbi spectates proponuntur hunc cibum placentam piceam nuncupare.

Scripsit