TANDEM SCIMUS CAUSAM CARISSIMAE ANNONAE EFFECTUSQUE TEPIDARIANI!

Crassus reus omnium calamitatum

Qui sunt homines nequissimi, rei omnium fere calamitatum mundum nostrum nuper vastantium? Maleficae? Iudaei? Satanistae? Minime: homines pinguetudine laborantes!

Ita saltem patet ex effectibus investigationum London School of Hygiene and Tropical Medicine, secundum quos effectus homines crassi consumant in summa media 18% plures calorias quam alii. Rei ergo sunt citissime crescentis ultimo in tempore pretii annonae atque effectu tepidariano, nam eos, aliis crassiores, vehentes aeronaves automobiliave plus combustibilis uti debent. At vehuntur illi magis aliis hominibus, nam pinguetudine poplites prementi, non valde ambulare obessi amant. Fortasse ergo, ut iustior sit hic mundus, tesseras itinerandi abhinc ementes non pro numero personarum sed chiliogrammatum alius aliter solvere debeamus?

Nec finis hic insimulationum, nam crebrius aliis hominibus morbis subeuntes pinguiores cives onus maius medicinae sine dubio sunt!

At periculum, quae mundo nostro a hominibus crassioribus imminet, magis magisque in annos fit, nam secundum aestimationem Ordinis Sanitatis Mundi (World Health Organization) anno 2015 numerus eorum bis tantus erit ut hodie, attingens per orbem terrarum 700 miliones. Qui in summa intermedia 1.680 plures calorias consument "normalibus" civibus comparati.

Nulla ergo salus mundo remanere videtur nisi comiter crassiores rogando, ut se pro publico bono euthanasiae quam citissime tradant - quasi subauditur conclusio investigationis Londinensium, ab actis "The Lancet" citatorum.

Scripsit Stanislaus Tekieli

Scripsit Stanislaus Tekieli