Fieri potest, ut probi necent?

Turk (Robert DeNiro) ac Rooster (Al Pacino) iam triginta annos una ut par vigilium publicorum Neoeboraci in urbe operantur. Multoties praemiati laudatique minime otium emeritorum petunt, licet aetas senescat. Ecce casum mirabilem obtinent ad solvendum, qui spectare videtur ad alium casum, quem olim solvere iis non contigerat. Denuo enim homicida apparet, cuius victimae sunt alii parricidae, quibus, argumentis a iudicibus non repertis, poena numquam pronuntiata erat. Homicida denuo apparens relinquit in loco criminis versus, quibus descibat crimina occisi sceleratoris.

Rebus ita stantibus in mentem et Turci et Galli venit homicidam illum - re vera iustitiam, ubi ei non suffecerit, restituere conantem - ipsum biocolytam esse debere, licet sonet id incredibile...

* Probi necant (Righteous kill), praeter DeNiro ac Pacino numero histrionum adsunt Carla Guigno et John Leguizamo. Dispositor: Jon Avnet. Scriptor fabulae: Russel Gewirtz. Musica: Ed Shearmur

Scripsit ANL