Cur lingua Latina? cui lingua Latina?

Societas Italica "Treellle", cuius consilium est perpetua scholae renovatio, libellum edidit quo de investigatione ad linguae Latinae disciplinam in Europae et Americae septemtrionalis nationibus cognoscendam refertur.

In omnibus nationibus indagatis facultas adolescentibus datur Latinam linguam discendi, fere nemini tamen obstringens est munus: ergo septuagesimus septimus quisque ex discipulis Americanis linguae Latinae studet, tricesimus quisque ex Francogallicis, quintus et vicesimus quisque ex Britannicis, duodecimus quisque (euge!) ex Germanicis. In aliis nationibus, sicut Austria Dania Batavia Italia Graecia, si quis Lycaeum eligit ei sine ullo discrimine Latinae studendum est.

In Italia, patria sermonis Latini, una et quadraginta centesimae adolescentum (id est quotannis XXV centena milia!) a XIV usque ad XIX annos natorum, qui scholas frequentare soliti sunt, illi antiquae linguae student: quorum circiter tertius quisque parum aut nihil omnino discit. Multi enim disciplinam illam abhorrent, in quam compelluntur: ideo permulti simulate, haud totidem (X tantum centena milia) re vera Latinae aliquid in animo servant. Unde praeclari studiosi societatis Trellle id colligunt, ne quis linguae Latinae studio amplius cogatur, volentibus tantum proponatur.

Si quis indaginem totam lingua Italica confectam perlegere velit, digito pulset

http://www.treellle.org/materiale/QA1.pdf

Scripsit Herimannus Novocomensis