Hindua quaedam pia preces dicit ad Solem in urbe Hyderabad tempore festi Chhath.

Venditor Harariensis monstrat novum nummum chartaceum, unius scilicet milionis dolariorum Simbabuensium, qui valor se aequat circiter decem dolariis US-Americanis. Nummus Simbabuensis inflabatur praeteritis 12 mensibus passu 231 centesimarum (231%).

Ecce ad photographema sui faciendum se parat generalis Laurent Nkunda, dux rebellatorum, qui de dominatione in Democratica Re Publica Congiensi pugnant.

Jigme Khesar N. Wangchuck factus est novus rex Bhutaniae, qui vir 28 annorum eodem factus est minimus natu monarcha in orbe terrarum.

Vacuae peregrinatoribus traminibusque manserunt stationes Gallicae ob operistitium ferroviae operariorum.

Vir quidam portat pice oblitum dolium ardens tempore festi 5 Novembris in oppido Ottery Sanctae Mariae comitatu Devoniae Anglorum. Festum hoc a more medii aevi provenit, cum tempore pestis talia dolia per vias volvebantur, ut rattos (glebones) pestilentiam propagantes flamma necaret.

Scripsit ANL