Annus
2 0 0 8


RAFAEL NADAL ET VENUS WILLIAMS PRIMI IN WIMBLEDONE

RAFAEL NADAL ET VENUS WILLIAMS PRIMI IN WIMBLEDONE

Hispanus Rafael Nadal superavit Helvetum Roger Federer in agone finali Plagae Grandis teniludii in caespite gramineo habiti tribus Londini Magni Wimbledon. Qui Federer antea quinquies hic triumphavit, hodie tamen titulum campionis amisit effectibus pro Nadal 6:4, 6:4, 6:7 (5:7), 6:7 (8:10), 9:7. Agon octo horas durabat, bis imbre interruptus.

Tertia iam vice Venus Williams contra sororem suam, Serenam, in finali certaminis Wimbledonensis luctabatur, nunc tamen primum eam superavit. Maior natu ambarum sororum US-Americanarum minorem vicit propotione 7:5. 6:4. Quae erat quinta iam victoria Veneris in gramine Wimbledonis. Pater sororum, qui simul est eorum exercitator, aberat certamini, nam noluit filias aliam contra alteram luctantes spectare.

Scripsit ANL



Retro ad:

Novissima editio
Summum paginae