Annus
2 0 0 8


01Typhoon Fengshen has been lashing much of the Philippines,

ORBIS PICTUS

Typho Fengshen vastat insulas Philippinas, eluviem excitans...

...deinde usque Hongkongiam flat, aquam turbans ad Portum Victoriae.

Nonnulii incolae a terrae motu afflictae regionis Beichuan provinciae Sinarum Sichuan omnia sua in tergo portantes regionem hanc pedibus ambulantes relinquunt, spem nulllam sibi, ad tempus saltem, ibi adesse videntes.

Alii pericula haud parva obeunt conantes divitias suas ex aedibus labentibus extrahere.

In Hispania vespere diei sancti Iohannis nonnulli tantopere sibi hunc sanctum adiuvare credunt, ut precibus ad eum dictis sine molestia, ut patet, per carbones gliscentes ambulent.

Astynomi urbis capitalis Afghanorum, Kabul, comburunt opiata in agris huius terrae reperta. Afghanistania maxima est in mundo terra-fabricatrix opii e suco papaveris facti.

Pastor quidam una cum capra sua in mari natat ritum celebrans purificationis occasione diei sancti Iohannis ad Portum Crucis (Puerto de la Cruz) insulae Tenerifae.

Magnae naves veliferae congregantur in Mari Baltico prope ad Chilonium (Kiel-Schilksee) in ora Germaniae, qui conventus putatur esse maximus in mundo coetus amatorum velis navigandi.

Nomades Sibirenses artem pelles consuendi demonstrant in urbe Khanty-Mansiisk, ubi summitas politicorum Unionis Europaeae et Russiae habitur.

 

Scripsit ANL



Retro ad:

Novissima editio
Summum paginae