BELLUM DUARUM CAMPANIARUM NONDUM FINITUM

Viticolae Helvetii nomine suo gloriantur

Incolae Helvetici vici Campania (Champagne) comitiis peractis consilium ceperunt se pugnaturos contra prohibitionem Unionis Europaei (UE) pro vina sua vendenda nomen 'vinum Campaniense' adhibere, quod nomen lege UE reservatur vinis spumescentibus factis in regione Francogalliae idem nomen (Champagne) habenti - nuntiat agentura Reuteriana.

Secundum pactum inter Helvetiam et Unionem Europaeam, Campanienses (Helvetii) iam anno 2004 debuerint sinere nomine 'vinum Campaniense' laegonas vini in suo vico educati ornare. Quod re vera fecerunt, sed cito invenerunt nomine mutato multo minus vini iis vendere contigisse, exempli gratia 32 milia lagoenarum proximo praeterito anno pro 110 milia antea.

"In mercatu, ubi consumatores magis magisque curant de responsabilitate fabricatoris, tale conceptum (i.e. mutatio nominis vini) est fatale" - dixit Thomas Bindschedler, moderator motus nomini vinorum Campaniensium (Helveticorum) defendendo. Qui memorat sui vicum nomen Campaniae ferre ab anno 885 post Christum natum et primos scriptos et adhuc servatos nuntios de huius loci vinicultura divulgasse anno 1657.

Bindschedler pollicetur se vocaturum in ius non esse magistratus Campaniae regionis Gallicae propter usum nominis 'Campaniensis' in lagoenis vinorum ibi factorum.

In photographemate autem videtur signum nomen vici ferens ab excavatro forcipe necnon vexillo Gallico instructo a loco sui abduci, quod allegoria sit privationis identitatis, quae huic vico actu Francogallorum immineat.

Scripsit Stanislaus Tekieli