De novo praesidente Africae Australis

Kgalema Motlanthe, dux Africani Nationalis Consilii (ANC) sibi munus praesidentis Rei Publicae Africae Australis Veneris die ad tempus suscepit, loco Thabi Mbeki qui abdicationi compulsus est: quocum recentissimis diebus complures ministri regimen deseruerant. Nuper praesidens factus, Kgalema Motlanthe brevem orationem habuit, qua confirmavit res oeconomicas minime permutatum iri. "Hodiernis totius orbis perturbationibus consideratis - inquit - eadem delecturi sumus, quibus Africa Australis stabilitatem sibi comparavit cuius gratia divitiae increverunt." Munus Kgalemae usque ad suffragia anni proximi perdurabit, quae - aiunt observatores - sellam praesidentis Jacobo Zuma tribuen, hodie non senatori.

Kgalema Motlanthe (quem in imagine aspicere potes) vir est undesexaginta annos natus; segregationem nigricolorum repugnans, diu in vinculis detentus est, postea dux factus est societatis fodinarum operariorum. Ab anno MCMXCVII Africanum Nationale Consilium, maximam factionem patriae suae, dirigit.

Scripsit Herimannus Novocomensis