Valde dolendum erat Romam ipsam carere Circulo Latino! Duo viri, Quirinus et Iulius, post nonnullas epistulas electronicas, decreverunt inter se convenire ad primum Circulum Latinum condendum. Id fecerunt Romae die 24 novembris 2003 in caupona "Cavour 33". Fieri certe non potest quin Parvulus Circulus Latinus Romanus cito crescat et floreat in tali urbe!

Nunc res incohata est. Venite! Omnes libenter accipiuntur quibus lingua Latina viva est cordi. Statis intervalis conveniemus et, circum potiones quasdam, Latine loquemur.

Si quid amplius de Circulo Latino Romano vel de Latinitate viua scire vultis sine ullo pudore per cursum electronicum de quaestionibus vestris nos facite certiores.

Valete omnes et floreat Latinitas Viva in Urbe!