Satura de institutione Latina
scriptori Moriae Encomii dedicata
Insistit clare rectrix ut lingua Latina mortua credatur, decursu temporis hausta. Dixit enim sapiens et amicus barbarus ipse cuius acris ratio cordisque oblita negavit defunctae scholam morituram : "ducite pompas, ô praeceptores ! Jussit sapientia et aera. Quid plus speretur ? Longe autem mansimus horam qua priscis spoliis tandem frueremur amatae. O dignum donum nobis, ô sarcophage artis, Matris delubrum te recte proteget almae !" En, mota turba, pompas Dialectica ducit dum summis scalis templi altas ante columnas Grammatice victrix tum languida lumina ridet : "Istinc da tergum, tiruncule temporis huius, quippe mathematicae plus credere mavis, vosque iocos qui fundentes hoc somnium agatis rursus sermonem Ciceronis reddere vivum !" Illisque admonitis sine fletu funera finit. Lingua Latina vetus, mira es quae saecula vincis ! Semper, quamvis sis exstincta, renasceris ardens.
Olivarius Rimbault scripsit Cereti, a.d.IV Id.Feb.a.MMIV. Rescripsit mense Iunio a.MMIV s.n. |