DE NATIVITATE DOMINI APUD ANIMALIA

(delectans vocalisque fabula quam Anna-Maria nostra, religiosa, participibus Circuli tradidit)

 

Quodam in stabulo Iudae, ante diem octavum Kalendas Ianuarias, animalia dormiebant, et semper semperque nivebat.

Vigilia tertia noctis, cecinit gallus : "Christus natus est ! Christus natus est ! Christus natus est !" E somno excitata mirabantur animalia, cum iterum gallus : "Christus natus est ! Christus natus est !"

"Quando ? Quando ? Quando ? Quando ?" anites quaesierunt.

Quae cum audisset, natu boum maximus, aetate provectus, mugiit :

"Ubi ? Ubi ? Ubi ?

- In Bethleem, in Bethleem, in Bethleem" capra clamare.

Asinus autem : "Eamus ! Eamus ! Eamus !"

Confestim omnia surgere animalia, et, asino duce, Bethleem festinare.