VITA CONVENTICULI GERUNDENSIS

******

Optime vicine Gerundensis, si vis nos convenire, scribe nobis: albinus@alcuinus.net

 Quartadecima sessio Circuli Gerundensis habita est die 8 mensis Aprilis Torroellae in caupona "La Boheme".

Georgius et Albinus hunc conventum celebraverunt.

 

 Quartadecima sessio Circuli Gerundensis habita est die 11 mensis Februarii Torroellae in caupona "La Boheme".

Georgius et Albinus hunc conventum celebraverunt.

 

 Tertiadecima sessio Circuli Gerundensis habita est die 14 mensis Januarii Torroellae in caupona "Cafeteria del Centre".

Georgius Albinusque hunc conventum celebraverunt.

 

 Duodecima sessio Circuli Gerundensis habita est die 19 mensis Novembris in vico Tor apud Georgium.

...Et iterum duo tantum fuimus, Georgius Albinusque, ad hunc conventum celebrandum. Ubi estis, sodales Gerundenses???

 

  Undecima sessio Circuli Gerundensis habita est Veneris die 22 octobris apud Georgium, in vico Tor (Baix Emporda).


Georgius et Albinus.

Iterum "soli" conventiculum nostrum celebravimus. Diverses res agitavimus; praesertim de nostra participatio in ultimo conventu circuli Perpinianensis fuse locuti sumus.http://perpignan.latinitatis.com

 

  Decima sessio Circuli Gerundensis habita est Veneris die 17 mensis Septembris apud Georgium, in vico Tor (Baix Emporda).


Lina, Georgius et Albinus.

Quarta feria 17 mensis Septembris, hora quarta postmeridiana, ut pactum fuerat, Georgius amphitrio conventum in horto suo ordinavit. Convenerunt Albinus et Lina, Profestrix litterarum classicarum in Instituto Studiorum Secundarium (IES) "Montgri" in Torroella, et una cafeam sorbillaverunt sub divo, Latine colloquentes. Anno academico ineunte, multum agitatum est de schola, de institutione Latina, de discipulis et de rationibus docendi (Oerberg, etc), necnon de optimis inceptis amici nostri Olivarii qui multa visu digna praebuit in parte "instrumenta" situs Circuli Perpinianensis:
http://perpignan.latinitatis.com

 

  Nona sessio Circuli Gerundensis habita est die 10 mensis Julii Torroellae de Montgri in caupona "Cafeteria del Centre".

 .
Albinus et Georgius. Cafeteria "El Centre".

Sabbato die 10 mensis Julii, hora quinta postmeridiana convenerunt tantum Georgius et Albinus ad ultimum conventum celebrandum ante ferias aestivales. Preaeter alia locuti sumus de novissimo periodico "Ephemeris" dicto, quem Albinus et Stanislaus Polonus nuperrime condiderunt:
http://ephemeris.alcuinus.net
De feriis quoque actum est et de futuris conventibus a mense septembri habituris. Georgius proposuit ut conventus septembris habeatur in domo suo.

 

  Octava sessio Circuli Gerundensis habita est die 12 mensis Junii Torroellae de Montgri in caupona "Cafeteria del Centre".


Anna, Georgius et Albinus.

Sabbato die 12 mensis Junii, hora quinta postmeridiana convenerunt Georgius et Albinus. De nonnullis rebus colloqui incohaverant cum sacerdotem quemdam vestis traditionalibus indutum praetereuntem viderunt. "Ille sine dubio Latine loquitur!" inquit Georgius. Et statim post eum cucurrit Albinus illumque allocutus est his verbis:
"Salve Pater! Ut vales? Loquerisne Latine?"
- "!!?? Hem!!? Como??"
- "Latine loqueris?"
- "hem! Eee... Plus minusve... Esne tu sacerdos?"
- "Non sum. Parvus coetus sumus qui Latine loqui conamur; Illic sumus, in hac caupona; Si vis participare..."
- "Ah! Ehem! ...nescio... fortasse... gratias tibi! Gratias!...". Et procedit.
Albinus ad Georgium revenit, et dum ei narraverat de brevi collocutione, reviderunt sacerdotem nunc hillarem ad se venientem. Secutum est parvum colloquium de nobis, de qua natione simus, ubi vivimus, etc. Inspexit commentarios "Vox Latina" qui apud mensam erant. Pauca verba etiam habuimus de statu linguae Latinae in Ecclesia et nobis valedixit secum auferens exemplares antiquos Vocis Latinae et Melissae.
Denique venit Anna, Profestrix Litterarum classicarum in Instituto Studiorum Secundarium (IES) "Empuries" in L'Escala. Statim Catalanice dixit se Latine loqui non posse (Hehe! Omnes idem dicunt... in initio). Denique, de laboribus suis in universitate Gerundensi locuta est (textus Boccacii in Catalanum vertit, ni fallor) deque difficultate hujus pensi. Georgius narravit experientiam suam de seminariis Matritensibus; de ultimo praecipue, cum Professore Michaele von Albrecht. Discessit Anna propter alia negotia et paulo post Albinus et Georgius alter alterum quoque valedixerunt.

 

 Septima sessio Circuli Gerundensis habita est die 8 mensis Maii Gerundae in caupona "La Llibreria".

Sabbato die 8 mensis Maii, denuo "soli" convenerunt Georgius et Albinus! Denuo ordinatore meritorio usi deque diversis rebus locuti sunt inter quas de minima frequentatione sessionum nostrorum. Convenimus aliquid facere ad novos sodales alliciendos.

 

 Sexta sessio Circuli Gerundensis habita est die 17 mensis Aprilis Gerundae in caupona "La Llibreria".

Sabbato die 17 mensis Aprilis Albinus et Georgius in caupona "La Llibreria" convenerunt ad sextum conventum celebrandum. Quod simpliciter fecerunt cum auxilio ordinatori meritorii quo disserere potuerunt de ultimis novitatibus interretialibus Latinis.

 

Quinta sessio Circuli Gerundensis habita est die 13 mensis martii Gerundae in caupona "La Llibreria".

Sabbato die 13 mensis Martis, biduum post magna scelesta Matriti perpetrata, conventus Gerundensis convocatus erat. Erat dies luctus complorationisque in tota Hispania et tempestas erat foedissima. Albinus moderator in animo habebat conventum praetermittere sed omnibus sodalibus rem nuntiare non poterat, ita ut sub pluvia adivit in cauponam-librariam "La llibreria", ne aliquis veniret et neminem inveniret. Et bene fecit quoniam ibi Eduardum convenit expectantem!
Eduardus novus est sodalis quem Albinus jamdudum hortabatur ut veniret in sessionibus nostris. Est enim linguae latinae (atque philosophiae et religionis christianae) professor in collegio "Gabrielista" Sancti Michaelis in oppido Torroella de Montgri, ubi educantur liberi mei (Albini).
De multis rebus locuti sumus et miratus sum peritia et facilitate Eduardi in loquendo. Mihi dixit se, in juventute sua, sacerdotem Jesuistam fuisse qui, ut mos tum erat inter jesuistas diversarum nationum (mos infeliciter non jam servatus), persaepe et scribebat et LOQUEBATUR Latine.
Inter alia, certe multa diximus de clade horibile Matritis; Eduardus ipso mane participaverat in manifestatione publica Gerundae. De institutione et de "adolescentibus" de moribusque eorum etiam locuti sumus (necnon de meis ipsis qui alumni sunt Eduardi!). Et cum illa mira caupona etiam ordinatra publica praebuisset, nonnulla Eduardo monstravi de vita Latina in Interrete.
Ergo, condicionibus valde adversantibus, tamen quintus conventus luculenter celebratus est. Photographia traditionalis tamen deest cum moderator machinae suae photographicae oblitus esset.

Quarta sessio Circuli Gerundensis habita est die 14 mensis februarii Gerundae in caupona O SOL.

Conventu pluribus ex causis tardissime convocato, Ivanus et Guilhelmus scripserunt se venire non valere. Neque alii venerunt et Albinus Georgiusque soli conventum februarii "celebraverunt". De diversis rebus locuti sumus, et praecipue de futuris conventibus deque ordinatione eorum. Fortasse thema quodam eligere opporteat unicuique conventui, et interdum non Saturni die sed quodam die hebdomadis cenam una habere. De ultimo quoque seminario Matritensi locuti sumus necnon de futuris seminariis aestivalibus. Tandem, caffea sumpta, per vias perpulchrae urbis mediaevalis Gerundae ambulavimus, persaepe consistentes cum multa ibi essent visu digna.

Tertia sessio Circuli Gerundensis habita est die 9 mensis Januarii in tramine "Catalunya Express" inter Flaçam et Barcinonem et una cum sodalibus Barcinonesibus (aliisque) in conventu "extraordinario" Circuli Barcinonensis.

Veneris die 9 Januarii habebatur Barcinone Conventus "extraordinarius" Aviti adventus causa. Nos autem Gerundenses postero die sabbato conventus nostrum habere debuissemus quod fieri no potuit, sed Barcinone adfuimus ad conventum "extraordinarium". Et Georgius Invanusque impediti, nec Saturni die 17 conventus nostrum convocare potuimus. Ita ut decrevimus nos conventum nostrum habuisse in tramine quo una, Georgius et Albinus, vehi sumus Barcinonem. In hoc tramine enim, per fere duas horas collocuti sumus Latine de rebus variis: de Conventu Barcinonensi scilicet et de Aviti adventu, de novissima Societate Circulorum Latinorum ab Avito condita et de seminario Matritensi nuper habito, etc.

In Barcinonem allati, petivimus tabernam solitam "La Table du Pain" ubi Quirinum Agricolamque inveniimus quos nondum cognoverat Georgius cui prima erat occasio conventum Barcinonensem participandi. Deinde venerunt Ivanus et Vincentius et sessionem "extraordinariam" Circuli Barcinonensis participare coepimus, cujus recensio legitur in pagina "vita Circuli" situs Circuli Barcinonensis:

http://circulus.albinus.org




 Altera sessio Circuli Gerundensis habita est sabbato die 13 mensis decembris. Convenimus in caupona "Meson del Conde" (Mansio Comitis) Sancti Martini in vico (Sant Marti d'Empuries - L'Escala - Costa Brava).

Tres sodales adfuimus: Georgius, Albinus et Ivanus qui iter fecit Barcinone ut nobiscum hunc conventum celebret. Potiones nostras sorbillantes, de diversis rebus collocuti sumus velut de seminario Matritensi nuper habito, de origine Cathaloniae, etc.

Post parvam ambulationem praeter litorem et in colem circum parietinas Emporiarum, autocineto vicum Viladamat petivimus ubi alacriter prandium sumpsimus in caupona ubi cibos traditionales Cathalaunos aponebantur. Denique, in domo Georgii fuimus, in vico Tor nuncupato, ubi Georgius Ivanusque de cithara "flamenca" fuse locuti sunt et nonnullos modos musicos ( "Soleares", "tientos", etc.) modulaverunt.

Sub vespere autem, Ivanus Albinusque Georgio valedixerunt petiveruntque autocineto Albini stationem ferriviariam "Flaça"... ubi quinque minutas post profectionem traminis Ivani pervenerunt propter viam obstructam clade viaria. Ibi, in caupona quadam sedentes, fere unam horam expectaverunt et collocuti sunt de pedifollio, de Circulo Latino Barcinonensi aliisque de rebus... et valedixerunt.


 Prima sessio Saturni die 15 novembris 2003 habita in vico Sancti Martini (L'Escala - Alt Emporda)

Ceteris sodalibus impeditis, duo tantum fuimus in vico Sancti Martini, prope praeclaras parietinas Emporiarum, ad primum conventiculum circuli nostri celebrandum. Georgius Torensis Albinusque locuti sunt latine ad mensam exterioram sedentes cauponae "Esculapi", in platea "Major", ante parvam antiquissimamque ecclesiam ubi nuptiae habebantur.

De diversis rebus locuti sumus, praesertim de futuro seminario matritensi, cui Georgius interfuturum est, necnon de neologismis deque epistulis Marci Tulii Ciceronis.

Et solemniter ortus pronuntiavimus Circuli Latini Provinciae Gerundensis.