Instrumenta Carmina latina Albertus Leongómez H.
Haec verba scripta sunt ut, aliquo modo , gratias referam magistro qui me et linguam Latinam ipsam et eam amare docuit: Hans Ørberg Eodem modo, gratias cuncto corde agere volo magistro Georgio di Mariae , qui ipse omnia legere voluit ut corrigenda mihi ostenderet
I Velut panis ipse, e frumento efficitur , est anima hominum e tempore facta
Dilexi propterea , Trans opera cuncta et hominum acta ,
humanum intuitum e liquido tempore
II
Si celeres alas haberem supra orbem terrarum volarem ut Daedalus, ita fugiendo, ad alias regiones versarer
Nec mihi sunt alae , nec exire possum nam hic labyrinthus est certe ipsa mens
E tempore facti huius muri quo fluit in cruore meo sunt omnibus verbis altiores nec vivens effugiam ex his
Nam ambulo modo et tempus consumo dum artem fugiendi verbis, heu, exploro
III
Ex omni labore Et omnibus actis aliquid remanet semper
Quod crescit, augetur , ac metitur tandem . . .... et postea seritur rursus .
A tempore antiquo id notum hominibus coniunxerunt vires, tempora opperitur homo . . . Sic panis apparuit !
Et simul cum eo, populus antiquus qui coleret agros . . .
Est populus quidam , semper pane carens . . . ac semper qui patitur vim
IV
In noctis umbra spectabam Lignum ardere
Dum intus flamma molliebat Frigus et verbum in me , aliquid, subito, novi :
Ut ligna flagrantia sumus homines omnes
Sic agit materia humana ut lucem caloremque solvat et, denique , nihil remaneat. . .
Nisi paululum caloris recedens paulatim .
Ac vibrantia , quasi lux in umbra , humana desideria , studia , spes .
V
A tempore quo puer erat Cernebat trans verba illam vim quae ventos et imbrem impellit et tonitru et fulgure loquitur
Et mundus et gentes et omnia animalia arcana celabant et codicem mirum
Spiritus mundi, scintillans ac fluens , tremebat in muro sub undis ex aqua . . .
Tum didicit legere signa Et artem numerandi novit. . . Ut undae aquariae muro Erant litterae ac numeri menti
Curvamina picta ardebant in charta . Sub iis latebat humana mens ipsa
Rursus illam vim augere sentiebat semper omnia nesciens atque discens omnia .
VI
Propter solitudinem , Et magica scientia Propter solitudinem , Ad homines vivos , Si aliquis audit, Non ita ut saliam ,
VII
Cum , albente caelo , effunditur lux , cogitare incipio. Expergiscor sensim et memoriae veniunt . . .
In somnis videbam Manus laborare . Sub pallida luna , ignoto labore , texebant in umbra
Tum propius accessi , eas recognovi . . . erant manus meae !
At e somno statim excitatus sum
VIII ( de novo ordine mundi . . . )
Tandem otio frui possum . . . Sub arborum ingentium umbra Quoniam pulchris balneis fruor Etiam multa ministeria ( multum vini , nimium solis. . .) Etsi temporis amisso sensu , Hic hospitior nunc quia , heri , Et eram in saeculo
IX ( sequentia . . .. )
E tempore viator aberrans , valde intellegere conor cur , ab imperio Romano atque confecto labore , quietem civi emere oporteat. . .
Et duces hodierni Qui ducunt historiam Nos cives hortantur , ut crescat auctoritas , ex fabulis veterum . . . ne homines dubitent :
" Vitae ratio bellum est. Ut miles legionarius olim , est hodie civis ubicumque ad pugnam paratus et pronus semper arma manu dextra agendo. Ita factum imus civitatem novam : Sub umbris agendo lucem inveniemus "
Et cives omnium terrarum , Imperio novo parendo , quietem emunt, emunt bellum . . . Nam hodie , aspicere bella Emitur , venit pro quiete . . .. Ac mercator idem est qui vendit quietem ac bellum
X
Quamdiu , quam longe ambulavit a die qua nominavit tigrem ac res mundi pinxit in muris cavernae . . . Eos igne illustrans, murice et arena , depinxit tot bestias quot oculis vidit. . . et depinxit imbrem et sitim et famem et pavorem bestiae et hominis qui sentit feram insidiantem haud procul a se Et quot orbes circumegit terra postquam ratio verbumque habuerunt memoriam itineris solis . . . Usque ad illam diem qua , in metu tremens , vulneravit manibus et terram maternam et silentium mundi . . . Et semina vidit aluntur a terra ! Quam magnum spatium conspexit. . . Consumptae non fulgure sunt formae quas ignis excudit Memoria servavit quos amavit mortuos et cruore suo terram sic rigavit ut sibi aperiret tandem umbras suas ne famem sentiret nec fame necaret . . .
Ploravit cum imbribus maris . . . Intellegit sese mortuum ipsum esse , Ac denuo vivere voluit. Corpus suum sivit et sanguinem suum , alimentum fieri quo ageretur machina , ab eo constructa , ad repraesentandam veritatem mundi . . . Et rursus propterea necavit !
Quot tempora fluxura sunt Antequam nitores animae et rei recognoscere possit. Quantum etiam temporis ?
Hodie manus suas Sibi ostendit mirans quantum etiam cruoris lavaturus est
In pupulae fundo ac prae siti tremens , permovetur vita , cognitio colligitur
Atque oculi miraturi sunt usque ad illam diem qua ex terra videant spicam gemmare . . .
Erit illa arista quam tempus sevit ab initio mundi
XI
Ad scientiam quaerendam quae dulcior est melle , perceptionem opto translucidam esse atque aliferos sensus
At sunt qualia limina , quantum cerni potest ?
Valde miror . . . Et tantum est unum responsum :
Mihi sensus mei sunt pro terminis ac limine
Tam procul quam videre possum , mea sternitur praesentia et sum enim ubi est fons ex quo sonus volans advenit nam etiam auditur a me
At uter maius iter facit : Conspectusne meus qui volat tamquam apis trans montes et valles an viator tibicinis sonus qui undat in aere ad me ?
Etiam haec est quaestio admittens responsum sed unum tantum : Filis vitae insertus sum Intra subtemina mundi .
XII Locuturus sum de die quam hodie venire novi . . ..
Quae erit ut illa dies in qua cellula vivens , quasi novum pallium mundi , e materia inerti apparuit
Scio , ergo vivit spes , terram rursus esse gravidam atque , maternam , portare semen ante aetates satum a patre tempore in eius seducto fundo silenti . . . Vivam usque ad illam diem , praeclaram quasi aurora mundi , quam hodie venire scio.
XIII
Aqua et sol , Arbores , formicae , Animalia cuncta et homines , aliquid semper transferunt.
Iter longum Omnia sunt.
Sic diem ex die gravitas vehetur e loco ad locum , e loco ad locum , ut mundus ipse moveatur ac , maribus , ingentia saxa rotentur
Ut veteres olim Aegyptii vehebant petreas moles , sic agmine longo arena - pulverea res - cotidie a formicis transfertur et homines hodierni ferunt pecuniam in argentariam . . .
Tum rex Aegypti cupiebat imaginem tollere suam - corpus bestiae , caput viri - ut viveret etiam mortuus dum homines petras ferentes - corpus viri, fatum bestiae - optabant panem et tectum ne viventes morerentur
Et hominum unda post undam progreditur penes tempus dum inter caelum et terram lassitudo humana sternitur .
Ac tanto labore confectus , tanto bello, tanta caede , non homo sapiens sed tantum materia movens se interrogat
Atque in speculo temporis Diem ex die intuetur utrum beluae sibi sit an viri denique caput …
Ac , tamen , se scire scit. Scitque aliquid transferri , E loco ad locum versari …
Ex humo ad holera , e bestia ad hominem , ex homo, tandem , ad ipsam tellurem
Et digitis pulverem rerum sentit elabi fluentem … atque moveri universa
XIV Mane docens , Nocte discens , Necesse est mihi Ut avi volanti inter caelum et maria luce cadente petere saxum .
Si fluctus irati strepitu magno verberatum veniunt , ego, in medio mari , tectus quidem ero
Ut, oriente sole , Volem supra maria tota ignota , varia , ac sub caelo aer sustineat me
Ita ad saxa dura utinam perveniam ac denuo diem vivam et laborem
primum edidit circulus latinus panormitanus in eius interretialis sede : www.cirlapa.organno mmiii - palermo, italia - Omnia propietatis iura reservantur ab Alberto Leongómez Herrera |