Saturni die 25 mensis septembris undecimum conventiculum nostrum (et primum post ferias aestivales) in solita taberna "La Table du Pain" rite celebravimus. Convenerunt diuturni jam contubernales Xavierus, Ivanus et Albinus, Carolus Salinas jam nobis bene notus (cf. recensionem diei 26 octobri 2003), et duo novi sodales: Aloisius et Franciscus. Parvum miraculum Interreticum videre potuimus cum Aloisius animadvertit se jam Carolum novisse. Nam Carolus abhinc tres quattuorve annos cursum Sociologiae ( http://usuarios.iponet.es/ddt/dat.htm ) instituerat in rete cui Aloisius discipulus studiosissimus fuit. Praeter haec, de rebus diversissimis locuti sumus et constitutus est lectiones linguae Latinae vivae instituere: Carolus Aloisiusque rogantes, Ivanus se proposuit ad primam lectionem mox instituendam. Aloisius retulit se institutionem latinam intensivam unius anni in seminario accepisse in pueritia sua (abhinc 50 annos!), post quam paene fluenter Latine loqui valebat. De novo moderatore autem eligendo, multis sodalibus absentibus, non disputatum est: Albinus de rebus ordinariis denuo curabit. Proximus conventus habebitur sabbato die 23 octobris.