Albinus, Carolus, Iuanus, Quirinus et Xauierus Circuli Latini Barcinonensis nouembris sessionem feliciter Saturni die septimo uicesimo in solita caupona "La Table du Pain" effecimus. alii sodales autem maioris momenti causa de absentia sua se excusauerant.
De hodiernae latinitatis lexicis, de nouorum uerborum collectione gerenda ab Iuano, de subscriptione periodici latini libelli quoque ab Iuano proposita, de limitum paradoxis inter linguas ac dialectos (exempli gratia, Xauieri oppinione, Linguarum Scandinauarum iuersitas siue seiunctio licet bene intellegibiles inter se non discrepantibus linguistis, sed sine litteralis linguae communis norma, singulis identitatis affectibus positis in quantitatiue ualde parua dissimilium tractuum minore parti, ac Linguae Sinicae unitas licet suarum dialectorum nonnullarum inintelligibilitas inter se, sed cum litteralis linguae communis norma, mutatis mutandis quasi Linguae Romanicae tantummodo Linguae Latinae dialectalem statum haberent.Quirinus adeo dialectum neapolitanam circiter similiorem Linguae Catalaunicae quam italicarum septentrionalium dialectorum esse addidit), de Imperii Romani serorum temporum lingua in certo Caroli libro de re militari, et de latina pronuntiatione cum differentia inter longa ac breuia monophthongica vocalica phonemata in radioemissionibus de quibus Albinus certiores nos fecit collocuti sumus.
Ceterum, Albinus circulorum nostrorum fora fundenda in unum esse nuntiauit ut interretialis epistularis communicatio nostra augeatur.
Ea omnia iucunde ac amicaliter tractata sunt et denique restituta est undecima hora ad proximos conuentus nostros incipiendos.
¡Vtinam decembris conuentui omnes sodales adsimus, ut propinando bona auguria mutuo nobis circuloque nostro exoptemus!