Circulus Latinus sodalium grex est qui libenter ac uoluptuose ad loquendum Latine conuenit.

In taberna quadam semel in mense plurimi homines muneribus aetatibus mentibusque dissimiles uno tantum sermone Latino coniuncti conuenire solemus. Ibi tirones qui olim pueritia uel prima adulescentia linguam Latinam didicerunt et postea aliis negotiis dediti alios audientes ab obliuione eam uindicant. Etiam iuuenibus qui nouis rei instituroriae mutationibus linguam latinam discendi facultate sunt orbati optima est occasio ut more uiuo et amoeno regulas grammaticas sine taedio paulatim addiscant.

Et si latine iam scis, Si legere soles sensimque etiam scribis, quin proximum facias gradum?

Volubilitatem adipiscere loquendi. Quo promptius suppeditet uerba eorumque significationes memoria, ullo sine molimento grammaticalis ut inhaerescat penitus compositio tibi, quorum utroque solutius atque expeditius maiorum opera leges, siue animi gratia:

Nos conueni.

Tam latine quam iucunde circum pocula nonnulla sermocinatum.

Si quid amplius de Circulo nostro Latino uel de Latinitate uiua scire uis sine ullo pudore per cursum electronicum de quaestionibus tuis nos fac certiores.